Qidiruv

shv. Gʻayrat.

Karimning oʻzini urib ketgan, tanasida gʻujuri yoʻq. Erkak degan ham shunaqa ammamning buzogʻi boʻladimi? — M. Hazratqulov, Jurʼat

Uning birdan gʻujuri kelib ketdi: bunday yoʻllardan yura bilish ham oʻzi uchun sinov ekanini oʻziga tan oldirdi. — Sh. Xolmirzayev, Qil koʻprik

fl. 1. Gʻujur-gʻujur qilmoq; shunday ovoz bilan sayramoq.

Qushlar bahorni olqishlab gʻujurlaydi, shoxdan shoxga uchib qoʻnadi. — N. Fozilov, Oqim

2. Boshqalar tushunmaydigan tilda gapirmoq.

U sherigiga bir nima deb gʻujurladi.

Farhodning inglizcha gapirmasligini bilgan Xamber, bugun uyda kayfi borligidanmi, xotini huzurida milliy gʻururi joʻshganidanmi, ona tilida gʻujurlab ketdi. — A. Hakimov, Ilon izidan

1. Qushlarning sayrashidan hosil boʻladigan shovqin.

2. Tez va gʻujurlab gapirish.

fl. Gʻujurlamoq feʼlining birgalik nisbati.

fl. Gʻujurgʻujurlamoq feʼlining birgalik nisbati.

taql. s. Gʻajir va shunga yaqin tovushlarni bildiradi.

Arava shagʻal ustidan gʻijir-gʻujur yurib ketdi.