Qidiruv

ot 1. Biror ishning bajarilishi haqida beriladigan buyruq, hukm, topshiriq; amr.

Farmon bermoq. Farmon chiqarmoq.

Borniki — farmon bilan, Yoʻqniki — armon bilan. — Maqol

U farmon kutib, xonga yuzlandi. — S. Siyoyev, Yorugʻlik

Oʻlmas maston qirqin qiziga farmon qildi. — Malikayi ayyor

2. Hokimiyat oliy organi yoki davlat boshligʻining qonun kuchiga ega boʻlgan buyrugʻi, farmoyishi.

Oʻzbekiston Respublikasi Prezidentining farmoni. Oʻzbekiston Respublikasi Oliy Majlisining farmoni.

ot tar. Podshoh, xon yoki amirning farmonini xalqqa maʼlum qiluvchi mansabdor.

— Farmonachi ot chopib, qaynatamiz Islomxoʻja hazrat hovlisiga kelib, marhumning bola-chaqalarini ogoh etdi, — deydi xon. — Mirmuhsin, Choʻri

ot kam qoʻll. Yozma ravishda berilgan farmon, yozma buyruq.

Farmonovdan taklifnoma chiqmaydi, farmonnoma chiqadi — deb koʻnglidan oʻtkazdi usta. — Mirmuhsin, Sozanda

Buyruq ohangida, buyruqqa oʻxshagan.

Ellikboshi yana oʻshqirib, farmonomuz gaplar ayta boshladi. — Mirmuhsin, Choʻri

ot 1. Buyurilgan ishni bosh tovlamay bekam-koʻst bajaradigan, birovga soʻzsiz quloq soladigan; itoatkor.

Kelin itoatkor, farmonbardor boʻladi. S. Karomatov, Oltin qum. Farmonbardorlar Ravshanni sudrab, Samarqand darvoza tomon yurishdi. — S. Karomatov, Bir tomchi qon

2. Hamisha xizmatga tayyor, iltifotli.

Ammo ogʻasi buyurgan ishni ado qiluvchi bir farmonbardor yigit. — A. Qodiriy, Obid ketmon

Oʻzingiz bilasiz, men bir farmonbardorman, siz har nima amr qilsangiz, shuni qilaman. — Goʻrugʻlining tugʻilishi

3. salb. Xushomadgoʻy, laganbardor.

Direktor va uning farmonbardorlari bularning birini “yosh“, birini noʻnoq deb ishdan boʻshatdilar. — Gazetadan