Qidiruv

ot 1. Qattiq buyumni (temir, yogʻoch va shu kabilarni) kesish, tekislash, oʻtkirlash, pardozlash uchun ishlatiladigan, qiradigan tishi poʻlatdan yasalgan chilangarlik asbobi.

Uch qirrali egov. Yumaloq egov. Yalpoq egov. Yirik tishli egov.

Kichikroq egov bilan uzangining yuzlari yana egovlanib silliqlanadi. — M. Muhammadjonov, Turmush urinishlari

Siz zanglagan ketmonsiz, olovga toblab, oʻtkir egovga charxlash kerak, desa-ya yuzsiz. — Nazir, Oʻtlar tutashganda

2. koʻchma Kishini jondan toʻydiradigan, uning umrini qisqartiradigan kimsa, narsa.

Ichkilik — aqlning egovi. Yomon xotin — umrning egovi.

Hamma kosib shunday boʻladi, jonim! Kosibchilik — umrning egovi. — Oybek, Tanlangan asralar

fl. 1. Egov bilan ishlov bermoq, egov bilan silliqlamoq, oʻtkirlamoq.

Arrani egovlamoq. Ketmonning damini egovlamoq.

Poʻlat nayza yer ostida yotarmi, Temir nayza egovlasa oʻtarmi — Oysuluv

2. koʻchma Ruhiy azob bermoq, qiynamoq, yemirmoq.

[Dilbar:] Uzingizni oʻzingiz egovlayapsiz, Komiljon aka. O. Yoqubov, Aytsam, tilim kuyadi, aytmasam — dilim.

Oyim rahmatlikning umrini urush davrining qiyinchiliklari bilan mana shu ogʻir ketmon ham egovlagan — P. Qodirov, Yurakdagi quyosh

Kechadan beri miyamni egovlagan masalalardan soʻz ochdim. — H. Nazir, Koʻkterak shabadasi

fl. 1. Egovlamoq feʼlining majhul va oʻzlik nisbatlari.

Egovlangan yuza. Egovlangan poʻlat.

2. koʻchma Silliqlanmoq, sayqal topmoq.

Bir qolipga tusholmagan durda-durda fikrlar egovlansin. — Gʻ. Gʻulom

fl. Egovlamoq feʼlining orttirma nisbati.

fl. Egovlamoq feʼlining birgalik nisbati.

fl. Egovlatmoq feʼlining orttirma nisbati.