ot 1. Ilgari vaqtlarda deraza vazifasini oʻtagan bir yoki qoʻsh tabaqali eshikcha.
Ota darvozaga tamba tirab, qoʻshnining darchasidan oʻtib, koʻchaga chiqdi. — S. Nurov, Narvon
Toʻtibu Zumradning qoʻlidan xatni tortib olib, darcha tomon yugurdi. — S. Zunnunova, Olov
2. Eshik yoki devorga oʻrnatilgan kichkina eshikcha yoki deraza.
Koʻpincha yopiq boʻladigan kassa darchasidan yoqimli zarhal nur tushib turadi. — P. Qodirov, Uch ildiz
Ochiq darchaning yupqa romiga ikki tirsagi bilan tayanib, tashqariga koʻz soldi. — A. Muxtor, Asarlar
Darchalarga atlas va shoyi pardalar tutilgan. — M. Osim, Karvon yoʻllarida
3. koʻchma Foydalanish, kirish imkoni; yoʻl.
Dasturxon ustida qizidi suhbat. Ochdi goʻyo birdan fan darchasini. — M. Ikrom
Qaysi bir odamning baxtiga yorsan, Ochildimi senga tole darchasi? — A. Oripov, Yillar armoni
Ezgulik darchasin chertmadi bekor, Sokin kechib oʻtdi oʻtu suvidan. — Otayor, Oq fasl
- Biqinidan, peshonasidan (yoki qulogʻining tagidan) darcha ochib qoʻymoq Qulogʻining tagiga bir tushirmoq; kaltaklab yoki sovuq qurol bilan jarohatlamoq (doʻq, poʻpisa iborasi). Hotam shoʻro koʻrib qolsa, naq peshonangdan darcha ochadi. M. M. — Doʻst, LolazorHozir peshonasidan darcha ochib qoʻyamiz, ana undan keyin hech nima esidan chiqmaydigan boʻladi. — A. Koʻchimov, Halqa