Qidiruv

sft. 1. Maromiga yoki tamomiga yetkazilmagan, bitkazilmagan, tamomlanmagan.

Chala uy. Chala ish. Bola — bolaning ishi chala. — Maqol

Hali yana bir oz yashashdan umidvorman, chala ishlarim bor. — S. Nurov, Narvon

2. Toʻliq emas, notoʻla, yarim-yorti.

Kambagʻalning bir toʻygani — chala boy boʻlgani. — Maqol

Chalasiga biz qarzdor. — A. Qahhor, Oltin yulduz

3. Vaqtidan oldin, yetilmasdan tushgan, barvaqt tugʻilgan.

Qandli diabet xastaligi koʻpincha homilaning chala yoki majruh tugʻilishiga sabab boʻladi. — Saodat

4. ot Yonib bitmagan yoki kuyib tugamagan oʻtin.

Kullar koʻkka uchar, choʻgʻlar kulga botar, chalalar choʻgʻga aylanar edilar. — A. Qodiriy, Mehrobdan chayon

Ularning [odamlarning]yarim yumuq koʻzlari oʻchoqda biqsib, qizarib yonayotgan chalalarga tikilgan edi. — P. Tursun, Oʻqituvchi

5. sprt. Oʻzbek kurashiga oid atama.

6. Qoʻshma soʻzlar tarkibiga kiradi, masalan

chalabosh, chalasavod.

Tanrı.TANGRI

sft. Oʻlar holatiga kelgan, joni chiqay deb turgan, yarim tirik.

Chalajon qilib urmoq.

Bir bandani chalajon qip qoʻyib, qayoqqa qochmoqchisan? — Yoshlik

Namoz-shomda chalajon dadamizni aravada eshikka keltirishdi. — M. Mansurov, Yombi

sft. Sochi chala-chulpa olingan.

Chalabosh bola.

ot bot. Tanasining faqat pastki qismi yogʻochlanib, yuqori qismi qishda qurib qoladigan koʻp yillik oʻsimliklar.

Chalabutalar koʻp yillik oʻtlardan kurtak chiqaradigan shoxlarning yer ustidan bir necha santimetr yuqorida oʻrnashganligi bilan farqlanadi. — OʻzME

ot 1. s. t. Savodi toʻliq chiqmagan kishi.

— Siz chalamullasiz, Gʻaybarov! — dedi Haykal Gʻaniyevich. M. — M. Doʻst, Galatepaga qaytish

2. sft. Oʻz sohasini yaxshi egallamagan, bilmaydigan; bilimsiz.

[Professor:] Murdani koʻrsa, labiga uchuq toshadigan chalamulla vrachlarni koʻrgani koʻzim yoʻq! — Oʻ. Hoshimov, Nur borki, soya bor