Қидирув

1. Кимсанинг бирор ҳаракатидан мамнунликни, маъқуллаш, мақтовни англатади.

Баракалла, йигит. Мана бунисига қойил! — К. Яшин, Ҳамза

— Баракалла, чеварим. Балли, ҳимматли қизим, — деб Нор ота сўзини завқланиб тугатди. — Қ. Муҳаммадий

Баракалла, баракалла, ажаб қилибсизлар! Хўп қилибсизлар! — М. Исмоилий, Фарғона тонг отгунча

2. Маъқуллаш, тасдиқ маъносини англатади.

Баракалла, мана энди ўзингизга келдингиз. — М. Исмоилий, Фарғона тонг отгунча

3. Норозилик, қониқмаслик маъносини англатади.

— Баракалла-е! — дедилар масхара қилгандай кулиб. — Э. Раимов, Ажаб қишлоқ

[Кумуш:] — Дўппи тикиб ўтирибсиз-ку, менинг олдимга чиқармидингиз, баракалла сизга! — деди. — А. Қодирий, Ўтган кунлар

от Асоссиз, ўринсиз, қуруқ мақтовлар айтувчи, шу тарзда қўллаб-қувватловчи шахс.

Мен сизга айцам, ука, ўзимиз ҳам анча ҳайбаракаллачи бўлиб қолибмиз. — Р. Файзий, Чўлга баҳор келди

Ҳошим уни Ғуломни ўз ҳайбаракаллачилари сафига ҳеч тортолмади. Ғулом ака бошқача тоифа одам экан. — Ж. Абдуллахонов, Тўфон

от Ҳайбаракаллачига хос иш тутиш, амалий ишдан кўра қуруқ мақтов, қўллаб-қувватлашга берилиш.

Қишлоқ хўжалик органлари раҳбарлари ҳай-баракаллачиликдан амалий ишга ўтишлари керак. — Газетадан

Тошматовнинг баъзи хатти-ҳаракати, ҳайбаракаллачилиги нима мақсадга қаратилганлиги устида жиддийроқ ўйлашга мажбур қилиб қўйди мени — Ҳ. Назир, Кўктерак шабадаси