Қидирув

от 1. Савдо-сотиқ эҳтиёжи билан бозорга келган киши, бозорда кўп юрувчи.

Шаҳарда очлар ва хайр сўровчилар кўпайган эди. Улар хайр сўраб чўзган қўллари билан дўкондорларни ҳам, бозорчиларни ҳам, самовардаги чойхўрларни ҳам безор қилардилар. — П. Турсун, Ўқитувчи

Кундузи бозорчиларнинг ғала-ғовуридан чарчаган Бухоро сукунат қўйнида ором олмоқда. — М. Осим, Карвон ёʻлларида

2. Бозорда савдо-сотиқ билан шуғулланувчи, бозор-ўчарни яхши биладиган одам.

Мен билан яшайдиган кампир бозорчи хотин эди. — Ойбек, Танланган асарлар

Бозор куни бу шаҳарга кирайин, Мен ҳам бозорчининг бири бўлайин. — Интизор

от 1. Бозорга хос муомалалар, қоидалар, расм-русум ва шу кабилар

2. Бозорчи касби.

— Бозорчилигимиздан номус қиламан, — Дадавой ака унга [Лобарга] эгилиб, аста гапирди. — Ҳ. Ғулом, Тошкентликлар

от тар. Чорбозорда савдо-сотиқ билан шуғулланувчи савдогар.

Чорбозорчи жаллоблар.

Кеча бир чорбозорчи келди. Хуржуни тўла каклик. — Ш. Холмирзаев, Бодом қишда гуллади

Ёз ҳам ўтди, куз ҳам келди, қишлоқ чорбозорчиларининг куни туғди. — С. Абдулла, Соялар