Поиск

1. Kimsaning biror harakatidan mamnunlikni, maʼqullash, maqtovni anglatadi.

Barakalla, yigit. Mana bunisiga qoyil! — K. Yashin, Hamza

— Barakalla, chevarim. Balli, himmatli qizim, — deb Nor ota soʻzini zavqlanib tugatdi. — Q. Muhammadiy

Barakalla, barakalla, ajab qilibsizlar! Xoʻp qilibsizlar! — M. Ismoiliy, Fargʻona tong otguncha

2. Maʼqullash, tasdiq maʼnosini anglatadi.

Barakalla, mana endi oʻzingizga keldingiz. — M. Ismoiliy, Fargʻona tong otguncha

3. Norozilik, qoniqmaslik maʼnosini anglatadi.

— Barakalla-ye! — dedilar masxara qilganday kulib. — E. Raimov, Ajab qishloq

[Kumush:] — Doʻppi tikib oʻtiribsiz-ku, mening oldimga chiqarmidingiz, barakalla sizga! — dedi. — A. Qodiriy, Oʻtgan kunlar

ot Asossiz, oʻrinsiz, quruq maqtovlar aytuvchi, shu tarzda qoʻllab-quvvatlovchi shaxs.

Men sizga aytsam, uka, oʻzimiz ham ancha haybarakallachi boʻlib qolibmiz. — R. Fayziy, Choʻlga bahor keldi

Hoshim uni Gʻulomni oʻz haybarakallachilari safiga hech tortolmadi. Gʻulom aka boshqacha toifa odam ekan. — J. Abdullaxonov, Toʻfon

ot Haybarakallachiga xos ish tutish, amaliy ishdan koʻra quruq maqtov, qoʻllab-quvvatlashga berilish.

Qishloq xoʻjalik organlari rahbarlari hay-barakallachilikdan amaliy ishga oʻtishlari kerak. — Gazetadan

Toshmatovning baʼzi xatti-harakati, haybarakallachiligi nima maqsadga qaratilganligi ustida jiddiyroq oʻylashga majbur qilib qoʻydi meni — H. Nazir, Koʻkterak shabadasi