Tilla tuxum tugʻadigan tovuq

Bir chol bilan kampir bor ekan. Ularning bor-yoʻgʻi bitta xoʻrozi, bitta makiyoni bor ekan. Bir kuni tovugʻi bitta tuxum tugʻibdi. Bu tuxumni chaqib, bir ovqat qilib yeyaylik, deb chol uni yerga ursa yorilmabdi, toshga ursa yorilmabdi. Hech yorib bolmabdi. Oxiri u tuxumni yorolmasdan qoʻyib qoʻygan ekan, devorning kavagidan bir sichqon chiqibdi. U dumi bilan bir ursa, tuxum pachoq-pachoq boʻlib yorilib ketibdi. Chol bilan kampir buni koʻrib, oʻtirib olib yigʻlayverishibdi. Bular yigʻlayversa, tovugʻi kelib:

— Yigʻlamanglar, endi sizlarga oʻzim tilla tuxum tugʻib beraman, tilla tuxum, — debdi.