Табиб билан касал

Бир киши куйган нонни еб, юрак оғриғи касалига учраб қолибди ва табибга бориб, керакли дори сўрабди.

Табиб у кишига кўз оғриганда қуядиган доридан бериб, ҳар куни кўзига қуйиб туришни тайинлабди.

У киши ҳайрон бўлиб:

— Менинг кўзим эмас, юрагим оғрияпти-ку, — дебди.

Табиб унга қараб:

— Аввал кўзингга дори қуйиб олгин. Агар кўр бўлмасанг, куйган нонни ермидинг? Энди кўзингни тузацанг, нонни қараб ейдиган бўласан, юрак оғриғига ҳам дучор бўлмайсан, — дебди.