Quyon bilan koʻkyongʻoq

Bir bor ekan, bir yoʻq ekan, qadim zamonda bir quyon yashagan ekan. U bir kuni koʻkyongʻoq tagida xayol surib oʻtirganda, birdan bir dona yongʻoq “taq” etib tushibdi. Undan quyon qoʻrqib, qochib qolibdi. Yoʻlda maymunlarga uchrab qolibdi.

— Nimaga qochyapsan? — deb soʻrashibdi maymunlar. Quyon aytibdi:

— Yer yorilayapti. Joning kerak boʻlsa qochib qol, — debdi. Maymunlar ham qochib qolibdi. Yoʻlda fil uchrabdi:

— Qayerga qochayapsizlar? — deb soʻrabdi fil.

— “Er yorilyapti, qochib qol”, — deb javob berishibdi. Fil ham qocha boshlabdi.

Yoʻlda dono arslon duch kelibdi. Arslon:

— Nega qochyapsizlar? — debdi. Jonivorlar voqeani aytib beribdilar. Yurlaring, oʻsha yorilayotgan joyga boramiz, — debdi arslon. Ular haligi yerga borib qarashsa, bir koʻkyongʻoq yotgan emish. Shu-shu quyon qoʻrqoq boʻlib qolgan ekan.