Navoiy kimni yomon koʻrgan?

Kunlardan bir kun, Sulton Husayn, vazirlarining yolgʻon soʻzlariga ishonib, Navoiyni zindonga buyuribdi. Koʻp vaqt oʻtmay, Navoiyning gunohsizligi maʼlum boʻlibdi. Sulton Husayn Navoiyni zindondan chiqarishlarini buyuribdi. Navoiy chiqishga unamabdi. Podshoning qamash va chiqarish haqida bergan farmoniga ajablanganini bildiribdi.

Navoiyni zindondan chiqarish uchun urinibdilar, foyda bermabdi. Eng keyin Navoiyga yaqin kishilaridan birining maslahati bilan uning yoniga bir ahmoqni zindon qilibdilar. Navoiy u ahmoqdan bezor boʻlib, zindondan chiqishga rozilik beribdi.