Kiyik bilan tulki

Togʻdan togʻga sakrab, oʻynab yurgan kiyik, choʻllab, suv axtarib, chopib pastga tushibdi. Kiyik yugurib borib, oʻrmon ichiga oʻzini urib, bir chuqurlikda boʻlgan buloqqa oʻzini tashlabdi. Kiyik chuqurdagi buloq suvidan qonib-qonib ichibdi. Suvni ichib boʻlgach, atrofga qarasa, chuqurlikda turgan emish. Irgʻib, sakrab koʻribdi, chuqurlikdan chiqa olmabdi. Shu paytda kiyikning bu holini bir tulki uzoqdan kuzatib turgan ekan. U yugurib, chuqur tepasiga kelib, kiyikka qarab, bir qah-qah urib kulibdi.

Chuqurda turgan kiyik tulkiga qarab:

— Nima uchun kulasan? — deb soʻrabdi. Shunda tulki:

— Bu chuqurga tushishdan oldin qanday qilib undan chiqish yoiini oʻylashing kerak edi! — debdi.