Boʻri va tulki

Kunlarning birida boʻri ogʻzida katta boʻlak goʻshtni tishlab kelayotgan edi. Oldidan tulki chiqib qolibdi. Tulki qarasa, boʻrining ogʻzida katta goʻsht. Tulki:

— Boʻrivoy, qayerdan kelyapsan? — debdi. Boʻri:

— Popdan, — deb yuborishi bilan ogʻzidagi goʻsht tushib ketibdi. Xuddi shuni kutib turgan tulki goʻshtni ilib ketibdi. Boʻri och qolibdi. Bir necha kundan keyin qorni och boʻri tulkini koʻrib qolibdi. U ogʻzida katta boʻlak goʻsht tishlab kelayotgan emish. Boʻri:

— Tulkivoy, qayerdan kelayapsan? — deb soʻrasa, tulki ogʻzidagi goʻshtni mahkam tishlab turib, “Gʻijduvondan”, deb qochib ketgan ekan.